Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Голас Амерыкі»: У Менску адбылася шматтысячная дэманстрацыя 14:44, 28/03/2007
Прынамсі 10 тысяч чалавек выйшлі на вуліцы Менска, каб адзначыць гадавіну Беларускай Народнай Рэспублікі, абвешчанай у 1918 годзе. Паведамляе радыёстанцыя “Голас Амерыка”.
Паводле сведчанняў відавочцаў, супрацоўнікі АМАПа ачапілі цэнтральную плошчу Менска, не прапусціўшы туды ўдзельнікаў дэманстрацыі. Ахоўнікі збівалі актывістаў. Удзельнікі, адціснутыя ў іншую частку горада, правялі там мітынг. Да іх звярнуўся лідэр апазіцыі Аляксандр Мілінкевіч, які заклікаў аднадумцаў адстойваць свае правы і абяцаў, што прыйдзе дзень, калі Беларусь будзе свабоднай. Мілінкевіч таксама запатрабаваў ад Аляксандра Лукашэнкі адкрыць дзверы ў краіне насустрач Захаду.
Прынамсі 50 чалавек былі арыштаваныя ў Менску да пачатку дэманстрацыі, што заахвоціла Дзярждэпартамент ЗША выступіць з заявай. Па словах прадстаўніка Дзярждэпа ЗША Шона Маккормака, такія дзеянні беларускіх улад “выклікаюць глыбокую заклапочанасць і прадстаўляюць сабою спробу запалохаць удзельнікаў загадзя абвешчанай мірнай дэманстрацыі”.
Лукашэнка, якога ЗША і Еўразвяз называюць “апошнім дыктатарам Еўропы”, наклаў жорсткія абмежаванні на публічныя мітынгі і не дазваляе ніякай крытыкі ўлад у беларускіх СМІ, паведамляе “Голас Амерыкі”.
