Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Гомелі асуджаны на 5 сутак мясцовы лідэр апазыцыі 11:55, 28/03/2007
27 сакавіка суд Савецкага раёну Гомелю разглядаў адміністрацыйную справу Уладзімера Кацоры. Намесьнік старшыні Гомельскай абласной арганізацыі Аб’яднанай грамадзянскай партыі й каардынатар кампаніі “За Свабоду!” атрымаў штраф на пяць базавых велічыняў і арыштаваны на пяць сутак.
Актывіст быў затрыманы 26 сакавіка. Яго абвінавацілі ў здзейсненьні хуліганства, нібыта ён нецэнзурна лаяўся.
19 сакавіка ў інтэрвію “Радыё Свабода” Ўладзімер Кацора паведамляў, што напярэдадні вечарам на яго напалі двое незнаёмцаў. Тады ж спадар Кацора напісаў заяву, што адносна яго была ўчыненая правакацыя.
Са словаў жонкі апазыцыянэра Веры Кацоры, да 25 сакавіка актывіста апазіцыі ў двары пільнавалі дзьве міліцэйскія аўтамашыны. “Практычна паўтараўся леташні сцэнар, калі мужа двойчы арыштоўвалі падчас прэзыдэнцкіх выбраў”, — падкрэсьлівае Вера Кацора.
У 2006 годзе Ўладзімер Кацора ўзначальваў рэгіянальны штаб кандыдата на прэзыдэнта ад апазыцыі Аляксандра Мілінкевіча.
