Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прадпрымальнікам адмовілі ў зале для правядзеньня форуму 10:40, 28/03/2007
Старшыня прадпрымальніцкага аб’яднаньня “Пэрспэктыва” Анатоль Шумчанка 27 сакавіка паведаміў, што ўзьніклі праблемы з правядзеньнем заплянаваных на красавік-травень прадпрымальніцкіх форумаў. “Пэрспэктыва” плянавала правесьці свае форумы ў Віцебску, Берасьці й Гомелі — першы зь іх, “Пэрспэктывы прадпрымальнікаў Беларусі”, плянаваўся на 16 красавіка ў Віцебску.
“Мы зьвярнуліся да кіраўніцтва Віцебскага навучальнага цэнтра прафсаюзаў, — сказаў Шумчанка для “Радыё Рацыя”— з просьбаю прадаставіць актавую залю ўстановы для нашага форуму і атрымалі папярэднюю згоду. Пасьля гэтага мой намесьнік Анатоль Шапавалаў накіраваў запрашэньні на форум усім прадстаўнікам “вэртыкалі” ў Віцебску. Нам адразу ж адмовілі ў зале, паколькі, аказваецца, там у красавіку вырашылі правесьці рамонт”.
Паводле Шумчанкі, адмова ў прадастаўленьні залі для форуму абазначае і адмову ўладаў ад дыялёгу зь індывідуальнымі прадпрымальнікамі:
“Тым самым, — заключыў Шумчанка, — нас прымушаюць выказваць свае погляды пры дапамозе іншых формаў — мітынгаў і пікетаў”.
