Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
МЗС Славаччыны: Аснова супрацоўніцтва Беларусі з ЕЗ – выкананне ўмоваў Еўразвяза 14:12, 29/03/2007
Павага правоў чалавека і асноўных свабод, а таксама выкананне ўмоваў Еўразвяза па дэмакратызацыі ёсць фундаментальная асновай для развіцця супрацоўніцтва Беларусі як з ЕЗ, так і са Славаччынай. Пра гэта было заяўленае 28 сакавіка падчас кансультацый у Браціславе паміж МЗС Славаччыны і Беларусі, паведаміў БелаПАН прэс-сакратар Міністэрства замежных спраў Славацкай Рэспублікі Ян Шкода.
Ён адзначыў, што падчас кансультацый славацкі бок выказаў сваё меркаванне і меркаванне ЕЗ аб магчымасцях і перашкодах у развіцці супрацоўніцтва з Беларуссю.
У сваю чаргу, як паведамілі 28 сакавіка афіцыйныя крыніцы, намеснік міністра замежных спраў Беларусі Валеры Варанецкі заявіў, што Беларусь заўсёды адкрытая для развіцця канструктыўнага дыялогу з ЕЗ. В.Варанецкі падкрэсліў, што пашырэнне супрацоўніцтва Беларусі і ЕЗ па шматлікіх кірунках аб’ектыўна выгоднае абаім бакам. “Беларусь гатовая супрацоўнічаць з Еўразвязам на двухбаковай узаемавыгаднай аснове. Але пры гэтым павінен быць рух насустрач адзін аднаму, непрадузятае стаўленне і ўзаемная павага”, – сказаў В.Варанецкі.
