Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Спыніла выхад незалежная газэта «Витебский курьер» 18:28, 29/03/2007
У аўторак не пабачыў сьвет чарговы нумар газэты «Витебский курьер М». Абласная друкарня адмовілася друкаваць газэту з прычыны запазычанасьці. Галоўны рэдактар «Курьера» Ўладзімер Базан кажа, што гэтая запазычанасьць не зьяўлялася такой ужо і вялікай: «Дзяржвыданьні маюць куды больш вялікія пазыкі, і ніхто ня думае спыняць іх выхад», -- кажа сп.Базан.
Сьледам за віцебскай, адмовіліся друкаваць газэту і ў іншых гарадох вобласьці — у Полацку і Воршы, хоць з Полацкам існавала папярэдняя дамова. Уладзімер Базан кажа, што зараз будуць спробы дамовіцца з смаленскімі друкарнямі. «Са Смаленскам дамовіцца не праблема, але я кепска ўяўляю як мы будзем вазіць у Беларусь наклады, мяжа ўсё ж. Таксама пытаньне ў грашах. Ведаеце, я ня веру ва ўдачу, таму ў мяне няма аптымізму па гэтай справе», -- сказаў рэдактар «Курьера» у інтэрв’ю “Нашай Ніве”.
Пакуль ня ясна, што будзе з калектывам рэдакцыі. Пытаньне, ці будзе працягвацца праца, ці супрацоўнікі газэты будуць вымушаныя сысьці ў адпачынак, вырашыцца заўтра.
Такім чынам цяпер на Віцебшчыне засталася толькі адна незалежная газэта — «Вольнае Глыбокае». Мінулым летам выхад перапыніў наваполацкі «Химик», цяпер — «Витебский курьер».
