Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ператрус скончыўся канфіскацыяй рызографа і ўлётак «За Свабоду!» 17:15, 30/03/2007
Ператрус у доме актывіста Партыі БНФ Уладзіміра Кішкурны 30 сакавіка скончыўся канфіскацыяй рызографа і друкаваных матэрыялаў. Пра гэта У.Кішкурна паведаміў агенцтву БелаПАН. Нагадаем, сёння чацвёра міліцыянтаў з панятымі і ордэрам на ператрус увайшлі ў прыватны дом у Менску, дзе пражывае У.Кішкурна, па надуманай падставе пошуку наркотыкаў.
"Пасля заканчэння ператрусу супрацоўнікі міліцыі ўручылі мне паперу пра тое, што канфіскуюць у мяне рызограф, 20 улётак "За свабоду!", барабаны да рызографа і разак для паперы. Пасля гэтага яны выклікалі грузчыкаў, пагрузілі ўсё гэта ў машыну і з`ехалі", — паведаміў У.Кішкурна.
Па яго словах, наркотыкі ніхто не шукаў. "Цалкам зразумела, што ўсе гэтыя дзеянні звязаныя не з наркотыкамі, а з палітыкай. Ну, і для таго, каб у чарговы раз паспрабаваць папсаваць мне нервы", – сказаў У.Кішкурна.
Цяпер У.Кішкурна чакае юрыста для таго, каб абскардзіць дзеянні міліцыі.
