Эдуард Малафееў сышоў з пасады галоўнага трэнера МТЗ-РЫПО :: Хартыя'97 :: Навiны

У нядзелю на першы паядынак чвэрцьфіналу Кубка Беларусі на стадыёне "Трактар" супраць БАТЭ футбалістаў МТЗ-РЫПО выведзе не Эдуард Малафееў, які пакінуў пасаду галоўнага трэнера. Каманду рыхтуюць Юры Пудышаў (у статусе "выканаўцы абавязкаў") і Віталь Паўлаў. Пераемніка ЭВМ кіраўніцтва клуба плануе знайсці цягам бліжэйшых дзён. Па звестках "Прессбола", прыняць штурвал з рук мэтра могуць Андрэй Зыгмантовіч, які сёння ўзначальвае юніёрскую (U-18) зборную Беларусі, або Сяргей Саладоўнікаў, у мінулым сезоне працаваў у штабе магілёўскага "Дняпра", а сёння знаходзіцца не ў спраў.

Сам Малафееў МТЗ-РЫПО не пакідае, яму прапанаваны менш стрэсавы, але больш ганаровы фронт працы. Эдуард Васілевіч зацверджаны на пасадзе настаўніка-кансультанта, фактычна куратара ўсяго трэнерскага корпуса клуба, у якім з камандамі розных узростаў працуюць 11 спецыялістаў.

Кіраўніцтва клуба дбайна хавае прычыны такога стромкага павароту ў кадравай палітыцы на старце сезону, аднак, па версіі некаторых відавочцаў апошняга збору МТЗ-РЫПО ў Нямеччыне, Эдуард Васілевіч, калі можна так выказацца, не зусім упісаўся ў рэжым даручанай яму каманды. І ужо ў Нямеччыне гаспадар футбольнага холдынгу Уладзімір Раманаў прапанаваў узначаліць менчукоў Уладзіміру Курневу. Той, аднак, папрасіў пакінуць яго ў "Каўнасе", з якім ужо правёў вызначаную перадсезонную працу.