Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Уладальніца крамы «Hugo Boss» Ірына Лазоўская на свабодзе 15:32, 30/03/2007
Выйшла на волю былая журналістка, уладальніцы крамы “Hugo Boss” Ірына Лазоўская, , паведаміла «Радыё Свабода». Суд Ленінскага раёну Менску апраўдаў яе ў абвінавачаньнях у махлярстве і прызнаў вінаватай толькі ў нявыплаце падаткаў. Апошняе яна прызнавала ў судзе. За гэта ёй далі тры гады абмежаваньня волі, але залічылі тэрмін арышту і вызвалілі.
Ірыну Лазоўскую арыштавалі восеньню 2005 году. Сьледчыя мяркавалі, што прадпрымальніца авалодала памяшканьнямі некалькіх крамаў у цэнтры Менску, падрабіўшы дакумэнты. Страты, якія нібыта нанесла Ірына Лазоўская, вымяраюцца сотнямі тысяч даляраў. Пракурор прасіў для прадпрымальніцы 8 гадоў зьняволеньня.
Падчас сьледзтва, якое цягнулася болей за паўтара году, Ірыну Лазоўскую трымалі то ў Менскім, то ў Жодзінскім сьледчым ізалятары.
