Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Моладзевы актывіст Барыс Гарэцкі выйшаў на волю 10:04, 03/04/2007
Моладзевы актывіст дэмакратычнага руху Барыс Гарэцкі выйшаў на волю з спецпрыёмніка-размеркавальніка ГУУС Менгарвыканкама на вуліцы Акрэсціна. Пра гэта БелаПАН паведаміў праваабаронца Вячаслаў Сіўчык. Ён удакладніў, што Б.Гарэцкага адпусцілі на волю з пракуратуры Менска, дзе ён скончыў азнаямленне з матэрыяламі ўзбуджанай у яго дачыненні крымінальнай справы па артыкуле 193 ч.1 Крымінальнага Кодэкса РБ – “дзейнасць ад імя незарэгістраванай арганізацыі”.
“Таму, каб сустрэцца з сваімі паплечнікамі, яму давялося адмыслова вярнуцца да спецпрыёмніка”, – сказаў В.Сіўчык.
Нагадаем, Б.Гарэцкі быў затрыманы 21 сакавіка ў 16.45 па дарозе дадому і дастаўлены ва УУС Першамайскага раёна сталіцы. У яго заплечніку былі знойдзеныя інфармацыйныя матэрыялы, прысвечаныя прызначанаму на 25 сакавіка святкаванню апазіцыяй Дня Волі. Увечары затрыманага даставілі ў спецпрыёмнік-размеркавальнік. 22 сакавіка яго асудзілі на 12 сутак адміністрацыйнага арышту за дробнае хуліганства. У зале суду Б.Гарэцкі абвясціў галадоўку ў знак пратэсту супраць яго пазапраўнага асуджэння.
