Юшчанка вывеў Мароза з склада СНБА :: Хартыя'97 :: Навiны

Прэзідэнт вывеў з Савета нацыянальнай бяспекі і абароны старшыню парламента Аляксандра Мароза і ўвёў у СНБА першага намесніка кіраўніка, в.а. кіраўніка СБУ Валянціна Налівайчанку і начальніка галоўнага ўпраўлення камандуючага ўнутранымі войскамі МУС Аляксандра Кіхценку..

Пра гэта гаворыцца ў тэксце ўказу ад 3 красавіка. Раней прадстаўнік Прэзідэнта ў Вярхоўнай Радзе Раман Зварыч паведаміў, што Юшчанка разглядае магчымасць правядзення паседжання Рады нацыянальнай бяспекі і абароны, паведамляе «Корреспондент».

Цяпер у Сакратарыяце Прэзідэнта праходзіць сустрэча кіраўніка дзяржавы Віктара Юшчанкі і прэм`ер-міністра Украіны Віктара Януковіча.

Раней Прэзідэнт звярнуўся да генеральнага пракурора Аляксандра Мядзведзькі з просьбай праверыць законнасць рашэнняў Вярхоўнай Рады, прынятых пасля апублікавання ўказу аб датэрміновым спыненні паўнамоцтваў парламента.

Як паведамлялася, 3 красавіка фракцыя Партыі рэгіёнаў заклікала Юшчанку неадкладна склікаць паседжанне СНБА.

21 сакавіка Віктар Юшчанка вывеў міністра эканомікі Анатоля Кінаху з складу Рады нацыянальнай бяспекі і абароны.

Прэзідэнт Украіны Віктар Юшчанка таксама прыпыніў пастанову Кабміна аб прызнанні неканстытуцыйным указу аб роспуску Вярхоўнай Рады.

Сёння раніцай у Канстытуцыйны суд Украіны накіраваная дакладная запіска, падпісаная 53 дэпутатамі кааліцыі, паведаміў першы намеснік лідэра фракцыі Партыі рэгіёнаў Васіль Кісялёў.

У запісцы дэпутаты просяць КС даць заключэнне на прадмет канстытуцыйнасці ўказу прэзідэнта Украіны Віктара Юшчанкі, падпісанага ў панядзелак, аб датэрміновым спыненні паўнамоцтваў Вярхоўнай Рады і прызначэнні пазачарговых выбараў у парламент на 27 траўня.

Увечары 2 красавіка Прэзідэнт Украіны Віктар Юшчанка распусціў Вярхоўную Раду Украіны і прызначыў пазачарговыя выбары парламента на 27 траўня. Адпаведны ўказ Прэзідэнта апублікаваны ў афіцыйным выданні “Офіційний вісник Президента України”.