Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларуска-ўкраінскія сустрэчы адмененыя 15:06, 03/04/2007
Працоўная сустрэча кіраўнікоў памежных ведамстваў Украіны і Беларусі Мікалая Літвіна і Аляксандра Паўлоўскага, якая павінна была адбыцца 3–4 красавіка ў Кіеве, скасаваная. Паводле неафіцыйнай інфармацыі, прычынай паслужыў палітычны крызіс ва Украіне. Пра тэрміны пераносу сустрэчы нічога не паведамляецца.
У Дзяржаўным камітэце памежных войскаў Беларусі дадзеную сітуацыю не каментуюць, паведамляе БелаПАН.
Нагадаем, што цягам двух дзён старшыня Дзяржаўнага камітэта памежных войскаў Беларусі генерал-лейтэнант Аляксандр Паўлоўскі і старшыня Дзяржаўнай памежнай службы Украіны генерал-палкоўнік Мікалай Літвін мелі намер абмеркаваць становішча на беларуска-ўкраінскай дзяржаўнай мяжы, пытанні функцыянавання пунктаў пропуску, памежнай прадстаўнічай дзейнасці, а таксама выкананне раней дасягнутых дамоўленасцяў паміж памежнымі ведамствамі дзвюх дзяржаў. Праграмай працоўнай сустрэчы прадугледжвалася абмеркаванне перспектыў развіцця двухбаковага супрацоўніцтва.
