Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Жырыноўскі: Юшчанка спыніў самавольства і распусціў групу махляроў 15:53, 03/04/2007
Віцэ-спікер Дзярждумы Уладзімір Жырыноўскі назваў цалкам правільным рашэнне Прэзідэнта Украіны Віктара Юшчанкі распусціць Вярхоўную Раду. "Дэпутаты не маюць права пераходзіць з фракцыі ў фракцыю або станавіцца незалежнымі. Выбаршчык галасаваў за пэўны колькасны склад дадзенай фракцыі. Калі яны пакідаюць гэтую фракцыю і пераходзяць у іншую, яны ашукваюць выбаршчыка, яны – палітычныя ашуканцы. Гэта прамая прыкмета карупцыі і самавольства", – заявіў Жырыноўскі ў інтэрв`ю РСН.
"Партыя першасная, а фракцыя – другасная. А дэпутаты бегаюць. Таму прэзідэнт Юшчанка спыніў гэтае самавольства і вакханалію і распусціў гэтую групу ашуканцаў", – дадаў палітык.
"Мы (Расея) павінны былі рабіць тое самае. Нас ужо абганяюць Кыргызстан, Украіна і Казахстан, а мы як заўсёды на самім апошнім месцы, нават у пытаннях дэмакратыі", – лічыць Жырыноўскі.
