Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусы будуць гінуць у Афрыцы, бо гэта «выгодна» Лукашэнку? 16:12, 04/04/2007
Аляксандр Лукашэнка чакае дэталёвага дакладу пра вынікі расследавання трагедыі, якая адбылася ў Самалі з беларускімі лётчыкамі. "Дэталёвага дакладу яшчэ не было, і я хачу атрымаць неабходную інфармацыю для прыняцця адпаведных рашэнняў", – заявіў кіраўнік дзяржавы ў інтэрв`ю журналістам у сераду ў Берасці. А.Лукашэнка лічыць, што "нельга ставіць у залежнасць наш удзел у міратворчых, гуманітарных акцыях ад трагедыі, якая здарылася ў Самалі".
"Нам трэба разабрацца, і, я думаю, што і да нас там пытанні ёсць", – сказаў А.Лукашэнка. У гэтай сувязі ён адзначыў, што "пэўна, хапіла б аднаго збітага самалёта, і перш, чым здзяйсняць якія-небудзь дзеянні, трэба было дзесяць раз падумаць". "А у нас як заўсёды: пранясе. Як гэта, мабыць, заўсёды бывае ў расейцаў, беларусаў, украінцаў, увогуле, у славянаў", – сказаў беларускі кіраўнік.
Гаворачы пра магчымасць далейшага ўдзелу ў гуманітарных акцыях, А.Лукашэнка заявіў, што "калі гэта рабіць чалавечна, акуратна, то нам гэта вельмі выгодна". "Справа не ў грашах, а справа ў прэстыжу, іміджу краіны", – адзначыў кіраўнік дзяржавы.
