Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
БАЖ запрасілі да працы над праектам закона аб інфармацыі 13:28, 04/04/2007
Тэкст праекта Закона Рэспублікі Беларусь “Аб інфармацыі, інфарматызацыі і абароне інфармацыі” атрымала 2 красавіка грамадскае аб’яднанне “Беларуская асацыяцыя журналістаў” у адказ на запыт у беларускі так званы “парламент”. “У выпадку зацікаўленасці, запрашаем таксама прыняць удзел у дапрацоўцы дадзенага законапраекта ў складзе працоўнай групы”, – паведамляецца ў суправаджальным лісце за подпісам старшыні пастаяннай камісіі “палаты прадстаўнікоў” па прамысловасці, паліўна-энергетычнаму комплексу, транспарце, сувязі і прадпрымальніцтве Анатоля Паўловіча.
Да 15 красавіка (менавіта гэты тэрмін пазначаны ў лісце) юрысты Цэнтра прававой абароны СМІ пры БАЖ падрыхтуюць свае прапановы і заўвагі да рэдакцыі гэтага законапраекта, паведамляе прэс-служба Беларускай асацыяцыі журналістаў.
