Чаму ў Беларусі не працуе ICQ? :: Хартыя'97 :: Навiны

Кампанія ICQ увяла рэкламны сэрвіс, які прапаноўвае рэкламадаўцам трансляваць рэкламныя аб`явы непасрэдна ў "акне" ICQ і ў рэжыме рэальнага часу. Рэкламная платформа атрымала назоў Broadcast-to-User (B2U) і ўжо стала прычынай глабальных збояў у працы ICQ.

На думку прадстаўнікоў ICQ, новы падыход да онлайн-рэкламы прапаноўвае рэкламадаўцам высокаэфектыўны канал дастаўкі інфармацыі аўдыторыі, паведамляе партал CyberSecurity.ru. Рэкламу фармату В2U характарызуе высокі ўзровень увагі пры праглядзе. Гэта тлумачыцца тым, што рэклама дадзенага фармату дэманструецца толькі ў выпадку адпраўлення карыстальнікам паведамлення пэўнай тэматыкі, паведамляе Newsru.com.

Цягам дня карыстальнік атрымоўвае абмежаваную колькасць рэкламных паведамленняў flash-фармату, якія паказваюцца ў верхнім правым куту акна паведамлення. Рэкламныя аб`явы “сціскаюцца” да памеру лагатыпа з гіперспасылкай.

B2U дазваляе праводзіць рэкламныя кампаніі ў фармаце rich media, што дае магчымасць павялічыць ахоп аўдыторыі за кошт маладых карыстальнікаў, якія звычайна застаюцца незадзейнічанай.

Эксперты адзначаюць, што ўвядзенне новага тыпу рэкламы ў афіцыйным кліенце ICQ толькі ўзмацніць адток карыстальнікаў на альтэрнатыўныя праграмы, такія як QiP, які не змяшчае рэкламы і эканоміць трафік.

Нагадаем, што з 30 сакавіка, калі адбыўся маштабны збой у працы сервераў ICQ, працягваюцца непаладкі ў працы сэрвісу. Некаторым карыстальнікам не здольныя падключыцца да ICQ, альбо сэрвіс перыядычна адключаецца.