Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Цімашэнка: Пакінуўшы мафію пры ўладзе, краіна страціць мільярды 09:53, 04/04/2007
“Калі праводзіць датэрміновыя парламенцкія выбары, краіна страціць 300 млн. грн. Калі пакінуць мафію пры ўладзе – краіна страціць дзесяткі мільярдаў даляраў,” – заявіла лідэрка БЮТ Юлія Цімашэнка ўчора на прэс-канферэнцыі ў Кіеве.
Каментуючы рашэнне ўрада забараніць фінансаванне перадвыбарнай кампаніі, Цімашэнка сказала, што гэтая пастанова не з`яўляецца законнай, і "будзе скасаваная" Прэзідэнтам з далейшай перадачай яе для тлумачэння ў Канстытуцыйны суд Украіны, паведамляе Корреспондент.net.
"Пакуль не будзе вердыкту КС, гэтая пастанова не дзейнічае", – адзначыла яна.
Акрамя таго, Цімашэнка заявіла, што невыдзяленне сродкаў у суме 500 млн. грн. з рэзервовага фонду Кабінета міністраў для правядзення выбараў цягне за сабою крымінальную адказнасць.
У той самы час, яна адзначыла, што ў выпадку, калі такія грошы прадстаўленыя не будуць, і будзе сабатаж у пытанні фінансавання правядзення выбараў, "знойдзеныя яшчэ тры варыянты (фінансавання)". Зрэшты, Цімашэнка не захацела канкрэтызаваць, што гэта за варыянты.
