Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дэпутаты Літвы і Польшчы супраць рэпрэсіяў у Беларусі 09:57, 04/04/2007
Польскія і літоўскія парлямэнтары ў сумеснай заяве асудзілі рэпрэсіі супраць апазыцыі ў Беларусі, паведаміла “Радыё Свабода”. У сумеснай заяве старшыні камісіі ў замежных справах польскага Сэйму Паўла Залеўскага і старшыні адной з падкамісіяў літоўскага парлямэнту Эмануэліса Зінгерыса асуджаюцца “жорсткія захады беларускіх уладаў”, што прывялі да арыштаў вялікай колькасьці апазыцыянэраў, якія бралі ўдзел у сьвяткаваньні Дня Волі.
Парлямэнтары запатрабавалі неадкладна вызваліць усіх палітвязьняў.
Залеўскі і Зінгерыс ад імя сваіх парлямэнтаў асудзілі шматлікія парушэньні правоў чалавека, якія мелі меца ў Беларусі пад кіраўніцтвам Аляксандра Лукашэнкі.
“Палітычныя перамены ў Беларусі павінны актыўна падтрымліваць эўрапейскія дзяржавы, у тым ліку і фінансава, а Эўразьвяз мог бы дапамагчы правесьці неабходныя рэформы, аднак перад гэтым павінны быць вызваленыя ўсе палітвязьні, а таксама спынены перасьлед дэмакратычных арганізацыяў, – гаворыцца ў заяве.
