Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Вондра: «Беларускі рэжым зноў паказаў няўпэўненасць у сваіх сілах» 11:02, 04/04/2007
«Пагрозы, якія Вы атрымалі замест адказу на Ваш ліст Лукашэнку, паказалі, хто ў Вашай краіне адчувае рэальную адказнасць за лёс і дабрабыт суайчыннікаў. Рэжым зноў паказаў няўпэўненасць у сваіх сілах і няздольнасць кіравацца задачамі, выкананне якіх звычайна патрабуецца ад палітыкаў», -- заявіў у лісце на імя лідэра дэмакратычных сіл Беларусі Аляксандра Мілінкевіча намеснік прэм’ер-міністра Чэхіі Аляксандр Вондра.
Намеснік прэм’ер-міністра Чэхіі запэўніў лідэра дэмакратычных сіл Беларусі ў зацікаўленасці Чэхіі да лёсу беларускай дэмакратыі.
“Беларусь, дэмакратычныя сілы і Вы асабіста маеце ў Чэхіі шмат натхнёных прыхільнікаў”, - адзначыў Аляксандр Вондра.
Чэхія мае намер зрабіць больш даступнай шэнгенскую візу для беларускай моладзі, грамадскіх актывістаў і прадстаўнікоў дэмакратычных сіл.
«Чэхія будзе прытрымлівацца гібкага падыходу ў выдачы шэнгенскіх візаў. Павелічэнне кошту шэнгенскіх віз не закране студэнтаў, моладзь, грамадскіх актывістаў і прадстаўнікоў дэмакратычных сіл, - паведамляецца ў лісце. - Змяніць правілы выдачы віз можна толькі на аснове двухбаковай дамовы ЕС і вызначанай краіны, як гэта было зроблена ва Украіне і плануецца ў Малдове. Сённяшняе кіраўніцтва Беларусі, на жаль, не падрыхтавана да падобных перамоваў».
