Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Левыя партыі прафсаюзы могуць адсвяткаваць 1 траўня разам 15:28, 05/04/2007
Міжнародны дзень працы 1 траўня Беларускі прафсаюз працаўнікоў радыёэлектроннай прамысловасці (РЭП) плануе адзначыць дэманстрацыяй і мітынгам. Прафсаюз РЭП ужо падаў заяўку ў менскі гарвыканкам, паведаміў сайт www.praca-by.info. Актывісты плануюць сабрацца каля Акадэміі Навук а 11 гадзіне і прайсці калонай да плошчы Бангалор, дзе і правядуць мітынг. Заяўку на правядзенне 1 траўня святочных мерапрыемстваў падаў таксама каардынацыйны камітэт Саюза левых сілаў. Пра гэта паведаміў адзін з лідэраў прафсаюза РЭП Аляксандр Бухвостаў.
Як ужо паведамляў прэс-цэнтр Хартыі’97, Саюз левых сілаў плануе пачаць акцыю 1 траўня, а 11 гадзіне каля Акадэміі Навук. А 12 гадзіне пачынаецца рух калоны па праспекце Незалежнасці, вуліцы Сурганава да парку Дружбы народаў, дзе адбудуцца мітынг і масавыя гулянні. Абавязальніцтвы па арганізацыі і забеспячэнні грамадскага парадку ўзялі на сябе Аляксандр Бухвостаў і Сяргей Калякін.
Бухвостаў паведаміў, што цяпер ідуць перамовы з Беларускім Кангрэсам дэмакратычных прафсаюзаў і з арганізацыямі прадпрымальнікаў, каб правесці свята па адзінай схеме.
