Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Распрацаваўшы канцэпцыю моладзевай моды, Міністэрства адукацыі Беларусі не збіраецца ўводзіць манаполію на яе, паведаміў журналістам начальнік упраўлення сацыяльнай і выхаваўчай працы Міністэрства адукацыі Беларусі Георгій Бутрым.
"Канцэпцыя развіцця моладзевай моды, якую распрацавала Мінадукацыі, не прадугледжвае ўвядзення нейкай манаполіі сістэмы адукацыі на моладзевую моду", – сказаў Г.Бутрым. Па яго словах, у дадзенай канцэпцыі "няма ніякіх момантаў ідэалагічнага плану".
"У канцэпцыі адзначаныя параметры развіцця моладзевай моды, між іншым і з улікам таго, што на яе развіццё марнуюцца дзяржаўныя сродкі", – сказаў начальнік упраўлення. Ён таксама паведаміў, што ў распрацоўцы канцэпцыі браў удзел вядомы беларускі мадэльер, кіраўнік Цэнтра сучаснага стылю і моды пры Беларускім дзяржаўным універсітэце Саша Варламаў.
Нагадаем, што Савет міністраў Беларусі зацвердзіў пастанову Мінадукацыі наконт развіцця канцэпцыі моладзевай моды ў Беларусі.
