Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менску прайшоў флэш-моб супраць будаўніцтва АЭС 10:17, 10/04/2007
Флэш-моб супраць будаўніцтва ў Беларусі атамнай электрастанцыі без грамадскага абмеркавання прайшоў у Менску ўвечары 9 красавіка.
У 19.30 каля 10 маладых людзей сабраліся каля будынка Белдзяржцырка, надзелі рэспіратары і павязкі з знакам радыяцыйнай небяспекі. У руках яны трымалі расцяжку "Беларусь – без АЭС!". Праз некалькі хвілін удзельнікі акцыі згарнулі расцяжку і прайшлі да плошчы Перамогі, дзе раздалі мінакам каля 200 улётак. Пад загалоўкам "Без АЭС!" у іх прыводзяцца выказванні наконт будаўніцтва атамнай электрастанцыі амбасадара Францыі ў Беларусі Мірэй Мюсо, дырэктара Рэспубліканскага навукова-практычнага цэнтра радыяцыйнай медыцыны і экалогіі чалавека Элеаноры Капітонавай, член-карэспандэнта Нацыянальнай акадэміі навук Івана Нікітчанкі, доктара тэхнічных навук прафесара Рыгора Лепіна.
У прыватнасці, цытуецца меркаванне М.Мюсо, якая адзначыла, што "беларусы сур`ёзна пацярпелі ад аварыі на Чарнобыльскай АЭС і перажываюць яе наступствы дагэтуль", таму "ў жыхароў Беларусі абавязкова павінны спытаць меркаванне з нагоды будаўніцтва АЭС і прапанаваць альтэрнатыўныя варыянты атрымання энергіі".
