Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На АЭС у Францыі адбылася аварыя 09:52, 10/04/2007
На атамнай электрастанцыі ў французскім горадзе Дамп’еры ў панядзелак увечары адбылося ЧП. Трэці энергаблок АЭС быў экстрана заглушаны. Прычынай аварыйнага спынення стала непаладка ў электрычным ланцугу рэактара, паведамляе France Presse.
Паводле інфармацыі, перададзенай у французскае Упраўленне па ядзернай бяспецы кампаніяй Electricite de France, кіруючай АЭС, энергаблок быў спынены таму, што спрацавала аўтаматычная абарона.
Па міжнароднай сямібальнай шкале надзвычайных здарэнняў на атамных аб`ектах, інцыдэнт атрымаў ацэнку ў адзін бал. Гэта азначае, што прычынай здарэння з`яўлялася тэхнічная непаладка або чалавечая памылка, якая прама не ставіць пад пагрозу бяспеку рэактара.
Трэці энергаблок АЭС у Дамп’еры быў запушчаны 30 студзеня 1981 года. Паводле планаў французскіх энергетыкаў, ён павінен прапрацаваць да 2021 года.
