Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
БХК заклікае спыніць справу супраць Дзянісава 16:21, 11/04/2007
Беларускі Хельсінкскі Камітэт вітае вызваленне моладзевага актывіста Дзяніса Дзянісава, аднак працягвае патрабаваць закрыцця справы, бо яна не мае складу злачынства і палітычна матываваная. Пра гэта гаворыцца ў заяве, распаўсюджанай сёння пасля вызвалення актывіста.
Сёння, 11 красавіка, з СІЗА №2 г. Віцебска вызвалены Дзяніс Дзянісаў. Моладзевы актывіст быў вызвалены да суду пад заклад. Неабходную суму ў 15 млн. 500 тыс. рублёў сваякі і сябры Дзянісава збіралі тры тыдні. Грошы былі занесеныя яшчэ ў панядзелак. Аднак тры дні чакалі санкцыю пракуратуры.
Поруч варот ізалятара Дзяніса сустракалі прадстаўнікі “Беларускага Хельсінкскага Камітэта”, родныя і блізкія, журналісты.
Дзяніс Дзянісаў быў арыштаваны 16 лютага. Пазней яму было прад`яўленае абвінавачванне па артыкуле 342 ч.1 – “замах на арганізацыю масавых беспарадкаў”. Следства лічыць Дзяніса арганізатарам па так званай “справе Бунту”, калі 17–19 чэрвеня 2006 года на вышцы віцебскага амфітэатра быў вывешаны бел-чырвона-белы сцяг.
