Сяргей Міхалок: «Цяпер мы ўзяліся за больш маштабныя тэмы» :: Хартыя'97 :: Навiны

1 траўня пачнуць прадаваць рок-н-рольны альбом Капiтал беларускай групы “Ляпис Трубецкой”. Запісвалі яго паўгода на кіеўскай студыі “211”.

– Адмовіліся ад дзі-джэяў, клавішных і акустычных гітар, – распавядае “Газете по-киевски” 35-гадовы лідэр групы Сяргей Міхалок. – Пакінулі барабаны, электрагітары і духавыя.

На дыску 10 расейскіх песень. І адна пад назовам “Рамонкі” – беларуская.

– Хацелі яшчэ з малдаўскай групай “Здоб ши здуб” запісаць песню “Товарищ”, – гаворыць мэнэджэр “Ляпісаў” Мар`яна Качавых. – Але ўсе музыкі жывуць у розных краінах, маюць канцэртную графіку. Таму запісалі песню без Малдовы.

Мультыплікацыйны кліп на песню альбома “Капітал” ужо перамог на фэсце кампутарнай анімацыі ”Мульціматограф” у расейскім горадзе Волагда. У кліпе Сяргей Міхалок – шасцігаловы і шасцірукі індыйскі бог Шыва. На розных жывёлінах ён едзе па свеце, а на экране з`яўляюцца дыктатары Фідэль Кастра з Кубы, Уга Чавес з Венесуэлы, Кім Ір Сен з Паўднёвай Карэі і беларускі “бацька” Аляксандр Лукашэнка.

– Калісьці мы смяяліся над поп-культурай, – гаворыць Міхалок. – І нашы пародыі сталі папулярнейшымі за папсу. Цяпер мы ўзяліся за больш маштабныя тэмы. Марым дажыць да таго часу, калі мець мабілку з дыяментамі і ездзіць на супердарагой машыне будзе сорамна.