Пакупка валюты будзе абмежаваная :: Хартыя'97 :: Навiны

Змененая і дапоўненая Інструкцыя аб парадку здзяйснення валютна-абменных аперацый з удзелам юрыдычных асоб і індывідуальных прадпрымальнікаў ад 28.07.2005 № 112. Адпаведная пастанова ад 22.03.2007 № 68, якая ўступіць у сілу пасля праходжання прававой экспертызы і яго афіцыйнага апублікавання, прынятая Праўленнем Нацыянальнага банка, піша “Экономическая газета”.

Новаўвядзенні ў дадзены дакумент прадугледжваюць забарону для суб`ектаў валютных аперацый – рэзідэнтаў на куплю замежнай валюты на ўнутраным валютным рынку для правядзення разлікаў па ўсіх валютных аперацыях, звязаных з рухам капіталу. Выключэнне складаюць толькі валютныя аперацыі па пагашэнні доўгу, прадстаўленага на тэрмін, які перавышае 180 дзён. Гэтыя меры дадуць магчымасць Нацыянальнаму банку паменшыць попыт на замежную валюту праз увядзенне дазваленчага характару на яе куплю для ажыццяўлення разлікаў па згаданых вышэй аперацыях.

Акрамя гэтага для больш поўнага кантролю накладваецца вета на змену мэтавага выкарыстання замежнай валюты, за выключэннем аплаты выдаткаў, звязаных з службовымі камандзіроўкамі. Да таго ж змены і дадаткі дазваляюць юрыдычным асобам, якія раней купілі замежную валюту па адным загаду аб накіраванні ў службовую камандзіроўку, выкарыстаць яе па іншым аналагічным загадзе. Пры гэтым можна не здзяйсняць зваротны продаж дадзенай замежнай валюты на ўнутраным валютным рынку.

Як гаворыцца ў дакуменце, суб`ект валютных аперацый – рэзідэнт мае права змяніць мэтавае выкарыстанне ў выпадках, калі замежная валюта, набытая для аплаты выдаткаў на службовыя камандзіроўкі за мяжу працаўнікоў, у тым ліку на навучанне, а таксама на стажыроўку, семінар, канферэнцыю і іншыя мерапрыемствы, звязаныя з падвышэннем іх кваліфікацыі, на падставе аднаго загада аб накіраванні ў службовую камандзіроўку за мяжу, будзе скарыстаная для аплаты выдаткаў, звязаных з службовымі камандзіроўкамі, прадугледжанымі дадзеным падпунктам, па іншым загадзе.

На падставе дазволу Нацыянальнага банка, адзначаецца ў дакуменце, суб`ект валютных аперацый – рэзідэнт мае права змяніць мэтавае выкарыстанне набытай замежнай валюты як у тэрмін знаходжання яе на адмысловым рахунку, так і пасля ажыццяўлення плацяжоў за кошт набытай замежнай валюты.

Пры змене мэтавага выкарыстання набытай замежнай валюты, падкрэсліваецца ў дакуменце, суб`ект валютных аперацый – рэзідэнт падае ў банк апавяшчэнне пра гэта ў двух экземплярах па форме паводле прыкладання да сапраўднай Інструкцыі, а таксама копію загада аб накіраванні працаўніка ў службовую камандзіроўку за мяжу, альбо дазвол Нацыянальнага банка.