Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расея ўхваліла пагадненне з Беларуссю аб транзіце тавараў 16:16, 11/04/2007
Урад Расеі ўхваліў прадстаўлены Федэральнай мытнай службай (ФМС) і папярэдне ўзгоднены з беларускім бокам праект пагаднення з урадам Беларусі аб транзіце тавараў, што перамяшчаюцца паміж мытнымі органамі дзвюх дзяржаў, паведамляе БелаПАН.
Загадам прэм`ер-міністра Расеі Міхаіла Фрадкова ад 7 красавіка Федэральнай мытнай службе даручана па дасягненні дамоўленасці з беларускім бокам падпісаць пагадненне ад імя ўрада РФ. Пры гэтым ФМС Расеі дазволена ўносіць у дадзены праект змены, якія не маюць прынцыповага характару.
Праца над дадзеным дакументам вядзецца некалькі гадоў. Падпісанне пагаднення дазволіць вырашыць цэлы комплекс пытанняў, у прыватнасці, вызначыць, якім чынам тавары накіроўваюцца з Беларусі ў Расею і што рабіць у выпадку знікнення тавараў на тэрыторыі адной з краін, адзначаюць у Дзяржаўным мытным камітэце Беларусі.
