Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка: Я не зусім адэкватна ўспрымаю працэсы ў грамадстве 14:49, 12/04/2007
“Я адчуваю сябе як кіраўнік уладнай структуры, уладзе дастаткова камфортна. Я ўжо нядаўна гаварыў пра гэта: я дастаткова трывала стаю на нагах. Можа, я не зусім адэкватна ўспрымаю тыя працэсы, якія адбываюцца ў нашым грамадстве, але я зыходжу з таго, што я добра ведаю, што адбываецца ў нашым грамадстве", – сказаў А.Лукашэнка 12 красавіка ў Менску на прэс-канферэнцыі для беларускіх журналістаў.
Пры гэтым ён адзначае, што добра ведае, “куды павінна ісці краіна, як яна павінна развівацца”.
"Прынамсі, асноўныя кірункі развіцця нашай дзяржавы ўхваленыя нашым народам і на рэферэндумах, і ў працэсе рознага роду выбараў: у мясцовыя саветы, у парламент, прэзідэнцкія выбары. Ды і не на Месяцы ж я жыву і тыя, хто са мной працуе, – адзначыў кіраўнік дзяржавы. – Я атрымоўваю дастаткова інфармацыі пра тое, што адбываецца. Таму, зыходзячы з гэтага, я пачуваюся як палітык, як кіраўнік палітычнай, уладнай структуры ў дзяржаве даволі стабільна, камфортна. Нармалёва адчуваю. Таму я менш усяго зважаў падчас гэтага канфлікту (з Расеяй), як я яго часам заву, <...> палітычна я сябе адчуваў нармалёва. Мяне больш за ўсё заўсёды турбавала, турбуе і будзе турбаваць эканоміка".
