Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Актывістаў «Маладога Фронту» будзе судзіць Аляксей Таманаў 12:21, 13/04/2007
Паседжаньні па справе актывістаў арганізацыі "Малады фронт" будзе весьці судзьдзя Савецкага раённага суду Аляксей Таманаў, паведаміла “Радыё Свабода”. Судзьдзя пакуль не прызначыў дату судовага паседжаньня.
Крымінальную справу супраць Зьмітра Хведарука, Алега Корбана, Барыса Гарэцкага, Аляксея Янушэўскага і непаўналетняй Насты Палажанкі КДБ распачаў 4 лютага.
Маладых людзей вінавацяць ва ўдзеле ў незарэгістраванай арганізацыі.
Справа “маладафронтаўцаў” трэцяя па ліку, пасьля прыняцьця дадатковага 193 артыкулу ў Крымінальны кодэкс.
Летась 4 жніўня за ўдзел у незарэгістраванай арганізацыі пакаралі актывістаў “Партнэрства” Эніру Браніцкую, Цімафея Дранчука, Аляксандра Шалайку і Міколу Астрэйку. 1 кастрычніка – лідэра “Маладога фронту” Зьмітра Дашкевіча.
Суды адбываліся за зачыненымі дзьвярыма.
Актывісты “Маладога Фронту” падрыхтавалі дакумэнты для рэгістрацыі ў Міністэрстве юстыцыі. Арганізацыя спрабуе зарэгістравацца ўжо чацьверты раз, але ўлады адмаўляюцца рэгістраваць апазыцыйную структуру.
