Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
РАСЕЯ МОЖА НЕ ДАЦЬ КРЭДЫТ БЕЛАРУСІ 13:57, 13/04/2007
Расейскія перагаворшчыкі па выдзяленні стабілізацыйнага крэдыту Беларусі ў памеры да 1,5 млрд. даляраў, які яна просіць у сувязі з падаражаннем з 2007 г кошту расейскіх энергарэсурсаў, якія пастаўляюцца краіне, па выніках перамоваў 9 красавіка ў Маскве прапанавалі беларускаму боку знайсці пераканаўчыя аргументы для атрымання крэдыту. Пра гэта агенцтву ПРАЙМ-ТАСС паведаміла крыніца, блізкая да расейскага ўрада.
Па яе словах, расейскі бок не пераканалі аргументы, прадстаўленыя Беларуссю падчас перамоваў.
“Неабходнасць атрымання крэдыту Менск аргументуе падвышэннем цэнаў на пастаўляныя расейскія энерганосьбіты, а таксама змушаным увядзеннем дзяржаўных субсідый нафтаперапрацоўнікам з прычыны стратнасці перапрацоўкі на беларускіх НПЗ у новых умовах”, – распавёў суразмоўца.
Аднак мера па ўвядзенні дзяржсубсідый для экспарцёраў супярэчыць прынцыпам Сусветнай гандлёвай арганізацыі, што непрымальнае для Расеі, якая знаходзіцца ў вырашальнай стадыі па далучэнні да СГА, адзначыла крыніца.
Паводле наяўных дадзеных, цяпер Мінфін Беларусі рыхтуе новую, больш пераканаўчую матывацыю для атрымання расейскага крэдыту, якая не павінна супярэчыць правілам СГА і прынцыпам міжнароднага гандлю.
