Адвакат Казуліна звальняецца з калегіі адвакатаў :: Хартыя'97 :: Навiны

Адвакат экс-кандыдата ў прэзідэнты, лідэра Беларускай сацыял-дэмакратычнай партыі (Грамада) Аляксандр Казулін Ігар Рынкевіч падаў у Менскую абласную калегію адвакатаў заяву аб звальненні па ўласным жаданні.

Як паведаміў БелаПАН І.Рынкевіч, ён агучыў сваю пазіцыю 28 сакавіка на канферэнцыі Менская абласной калегіі адвакатаў. "Адвакатаў ператварылі ў дойных кароў, а асабіста мяне, падчас вядомых падзей падчас абароны Казуліна, – у "хлопчыка для біцця". У адрас адвакатаў нязменна гучаць пагрозы. Толькі ў дачыненні маіх калегаў па юрыдычнай кансультацыі апошнім часам Міністэрства юстыцыі ўзбудзіла сем дысцыплінарных спраў. Мне вядома, што Мінюст падрыхтаваў два прадстаўленні ў дачыненні кіраўнікоў Менскай абласной калегіі адвакатаў. Яны хочуць зрабіць так, каб праз маю дзейнасці пакутавалі мае калегі", – лічыць І.Рынкевіч.

Па яго словах, А.Казулін з разуменнем паставіўся да такога рашэння. "Ён падзякаваў мяне за пройдзены разам год і сказаў, што мае праблемы звязаныя менавіта з маёй пазіцыяй па яго абароне і прадстаўленні яго інтарэсаў", – адзначыў І.Рынкевіч.

"Нягледзячы на змену майго статусу, пытанне абароны інтарэсаў Казуліна будзе вырашацца мной у іншых эфектыўных формах", – дадаў адвакат.

"Я думаю, што ва ўсялякім выпадку застануся ў праваабарончым руху і не выключаю, што пры дэмакратычнай уладзе здолею вярнуцца ў паважаную мной карпарацыю адвакатаў. Праваабаронца – гэты стан душы і грамадзянская пазіцыя. А я яе не мяняў з 1989 года, калі ў Маскве пазнаёміўся з Андрэем Дзмітрыевічам Сахаравым", – заявіў І.Рынкевіч.

Па словах суразмоўцы БелаПАН, яго заява будзе разгледжаная ў Менскай абласной калегіі адвакатаў 18 красавіка.