Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Андрэй Іларыёнаў: Улада здзейсніла злачынства 16:07, 14/04/2007
“Шэраг службовых асоб Расейскай Федэрацыі і кіраўнікі сілавых падраздзяленняў сёння здзейснілі антыканстытуцыйнае і крымінальнае злачынства, парушыўшы тым самым і Канстытуцыю Расейскай Федэрацыі і крымінальны кодэкс. Гэтае крымінальнае злачынства рана ці позна будзе расследаванае і асобы, вінаватыя ў гэтым, панясуць пакаранне згодна з расейскім заканадаўствам”, – такое меркаванне ў сувязі з разгонам "Маршу нязгодных" у эфіры радыёстанцыі "Эхо Москвы" выказаў былы дарадца прэзідэнта Расеі па эканамічных пытаннях Андрэй Іларыёнаў, які браў удзел у маршы.
"Такое складаецца ўражанне, што супрацоўнікі міліцыі, АМАПа не ведаюць Канстытуцыі, не ведаюць крымінальнага кодэкса. Гэта дае тлумачэнні, чаму ў нас расце злачыннасць, чаму ў нас расце гвалт на вуліцах нашых гарадоў – таму што органы абавязаныя займацца абаронай грамадзянаў, а займаюцца проста процілеглым", – сказаў Іларыёнаў.
"У іх няма часу, у іх няма сілаў і ў іх няма ведаў, што такое расейскае заканадаўства. Галоўнымі парушальнікамі расейскага заканадаўства сёння з`яўляюцца ўлады. Рана ці позна тыя злачынствы, якія здзейсненыя сёння, будуць пакараныя, і тыя, хто здзейсніў гэтыя злачынствы, будуць пакараныя. Ні ў каго па гэтай падставе не павінна быць сумнення", – адзначыў Іларыёнаў.
