Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Попыт на валюту дасягнуў рэкорднага ўзроўню 11:34, 14/04/2007
На мінулым тыдні попыт на даляры ЗША на Беларускай валютна-фондавай біржы, роўны 97,3 млн. USD, ізноў апынуўся вышэйшым за прапанову, якая склала 86,4 млн. USD. Таксама на мінулым тыдні, па дадзеных БВФБ, попыт на еўра дасягнуў рэкорднага ўзроўню – 117,661 млн. EUR, аднак Нацыянальны банк не задаволіў яго ў поўнай меры, у сувязі з чым аб`ём гандлю па еўра застаўся на звычайным узроўні і склаў 18 млн. EUR.
Курсы еўра і расейскага рубля па дачыненні да беларускага на БВФБ за мінулы тыдзень выраслі на 0,39 і 0,33% адпаведна ў сувязі з умацаваннем дадзеных валют па дачыненні да даляра ЗША на міжнародным фінансавым рынку.
У мэтах вынятку залішняй ліквіднасці Нацыянальны банк правёў размяшчэнне некалькіх выпускаў уласных кароткатэрміновых аблігацый. 4 красавіка ён адцягнуў з рынку 0,8 млрд. BYR, размясціўшы КО на 7 дзён, а 5 красавіка – яшчэ 71 млрд. і 17 млрд. BYR, размясціўшы аблігацыі на 7 і 14 дзён адпаведна.
З 2 красавіка ізноў уступіла ў сілу абмежаванне на велічыню маржы пры падаванні банкамі рублёвых крэдытаў суб`ектам гаспадарання. Яно было прыпыненае з пачатку лютага да канца I квартала гэтага года ў сувязі з ростам кошту рэсурсаў на рынку МБК. Цяпер рэсурсаў дастаткова, хоць невядома, ці надоўга.
