Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дырэктар буйнога дзяржпрадпрыемства скардзіцца на ўлады 14:32, 14/04/2007
Як стала вядома прэс-службе Салігорскае філіі “Маладога Фронта”, генэральны дырэктар ААТ "Салігорскпрамбуд" зьвярнуўся ў суд са скаргай на мясцовыя ўлады. У апошні час Салігорскі райвыканкам абавязаў усе прадпрыемствы гораду вылучыць значныя грашовыя сродкі на добраўпарадкаваньне гораду. Па падлікам экcпэртаў такі загад прывядзе ў заняпад эканоміку аднаго з найлепшых рэгіёнаў Беларусі.
Прадпрыемствамі, на якія мясцовыя ўлады ўсклалі найбольшы цяжар, зьяўляюцца “Беларуськалій” і “Салігорскпрамбуд”. Ужо на самым пачатку працаў па дбраўпарадкаваньню стала зразумела, што прадпрыемствы гэтага не асіляць. Аднак мясцовыя ўлады не жадаюць саступаць. У выніку генэральны дырэктар ААТ "Салігорскпрамбуд" Мікалай Ашэйчык вырашыў звярнуцца ў суд на мясцовыя ўлады і камунальныя службы раёна.
