Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Салігорску людзі працягваюць выходзіць на плошчу 12:28, 18/04/2007
16-га красавіка на цэнтральную плошчу Салігорску ізноўку выйшлі людзі з партрэтамі палітвязьняў і зьніклых беларусаў. Нягледзячы на рэпрэсіі і ціск з боку ўладаў, ня глядзячы на тое, што мінулыя дзьве акцыі ў Салігорску былі разагнаныя менскім спэцназам, на плошчу выйшлі блізу 50-ці чалавек.
Гэтым разам менскі спэцназ на плошчы заўважаны ня быў, да і супрацоўнікаў міліцыі было значна менш чым звычайна. Акцыя традыцыйна доўжылася 15 хвілінаў і скончылася без эксцэсаў.
Адзін са сталых удзельнікаў акцыі пракамэнтаваў рэакцыю мінакоў на акцыю:
- Цікава, што Дні Салідарнасьці на цэнтральнай плошчы адбываюцца кожны месцяц ужо больш за год, да таго ж увесь горад стала засыпаецца ўлёткамі аб палітвязьнях і палітычным перасьледзе грамадзкіх актывістаў, але ж многія салігорцы ўсё роўна ня ведаюць чаго мы тут стаім. Але пераважная большасьць безумоўна ведае, чаму мы кожны месяц выходзім на плошчу і падтрымлівае нас.
