Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ліквідатары просяць захаваць для іх ільготы 13:52, 20/04/2007
Ліквідатары-чарнобыльцы просяць Аляксандра Лукашэнку захаваць дзейныя для іх ільготы. Адпаведныя звароты накіраваныя ў Адміністрацыю прэзідэнта. Як паведаміў БелаПАН ініцыятар стварэння рэспубліканскага грамадскага аб`яднання "Ліквідатар" Аляксандр Ваўчанін пад зваротамі стаяць подпісы 40 ліквідатараў.
“У “палаце прадстаўнікоў” знаходзіцца законапраект, які пазбаўляе ліквідатараў апошніх ільгот, якія можна назваць кампенсаваннем за страчанае здароўе. Аднак мы лічым, што такі законапраект недапушчальна разглядаць без удзелу ліквідатараў”, – заявіў А.Ваўчанін.
Улічваючы эканамічнае становішча краіны, адзначыў ён, ліквідатары не патрабуюць аднаўлення ўсіх згубленых ільгот. "Аднак мы патрабуем падавання санаторна-курортнага лячэння па рашэнні ўрачэбна-працоўнай экспертызы, пенсійнага забеспячэння і штогадовага дадатковага аплачанага водпуску", – падкрэсліў А.Ваўчанін.
