Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менску праходзяць акцыі ў абарону «Маладога Фронту» (Фота) 12:46, 20/04/2007
“У турму за любоў да Радзімы ?”, “Ты адчуваеш сябе ў бясьпецы ?”, “Чужых дзяце кідаюць у турмы. Вам усё роўна ? А калі заўтра туды пойдуць вашыя ?”, “За што ?”, “Рукі прэч ад Маладога Фронту!”, “Дашкевіч у турме дзеля тваёй Свабода! Хто наступны?” – такія лёзунгі зьявіліся ўчора на цэнтральных вуліцах Менску, у пераходах, каля станцыяў мэтро й грамадзкага транспарту.
Каля улётак былі разьмешчаныя партрэты лідэра «Маладога Фронту» Зьмітра Дашкевіча, а таксама тых пяці маладафронтаўцаў, якіх чакае незаконны судовы працэс за “дзейнасьць ад імя незарэгістраванай арганізацыі”. Сябры моладзевага нацыянальнага руху працягваюць распаўсюд у Менску й у іншых гарадох Беларусі друкаваныя матэрыялы, прысьвечаныя крымінальнаму перасьледу «Маладога Фронту». Моладзь патрабуе ад уладаў неадкладна вызваліць усіх палітвязьняў і спыніць палітычныя крымінальныя справы.
