Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Па дадзеных Міністэрства статыстыкі і аналізу Беларусі, у лёгкай прамысловасці зафіксаваны самы высокі сярод усіх галін паказчык запасаў гатовай прадукцыі. На 1 красавіка ён склаў 293,3 млрд. рублёў, або 130,7% да сярэднемесячнага аб`ёму вытворчасці. За сакавік паказчык паменшыўся на 1%.
Аб`ём вытворчасці ў лёгкай прамысловасці ў студзені–сакавіку павялічыўся на 4,3% і ў супастаўных цэнах склаў 815,1 млрд. рублёў. Павелічэнне аб`ёмаў вытворчасці адбылося па большасці відаў прадукцыі, паведамляе БелаПАН.
Рэнтабельнасць рэалізаванай прадукцыі, тавараў і паслуг за студзень–люты склала 5,3% (за студзень–люты 2006 года – 4,7%), рэнтабельнасць продажу – 4,5% (3,9%).
Пратэрмінаваная крэдыторская запазычанасць на 1 сакавіка 2007 года склалася на ўзроўні 239,4 млрд. рублёў, павялічыўшыся за месяц на 1,4%, дэбіторская – 95,9 млрд. (на 1,6% менш).
