Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зноў беларуска-польскі дыпляматычны канфлікт? 10:53, 24/04/2007
Беларускія памежнікі амаль 24 гадзіны трымаюць на мяжы польскі дыпляматычны аўтамабіль, - паведаміла «Польскае радыё». Беларускі бок незаконна канфіскаваў некалькі карцінаў, якія прызначаны на выставу, арганізаваную Польскім інстытутам у Менску.
Аўтамабіль затрыманы на памежным пераходзе “Варшаўскі мост”. На мяжу прыбылі польскія дыпляматы, якія безпасьпяхова стараліся ўрэгуляваць пытаньне. У выніку беларускі бок канфіскаваў карціны.
Паводле польскіх консульскіх крыніц, дзеяньні беларускага боку зьяўляюцца беспрэцэдэнтным прыкладам парушэньня дыпляматычных правіл і двухбаковых пагадненьняў аб супрацоўніцтве ў галіне культуры.
