Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Арганізатары «Чарнобыльскага шляху» наведалі шпіталь у Мазыры 18:13, 25/04/2007
Сябры аргкамітэту “Чарнобыльскага шляху” наведалі рэгіён, пацярпелы ад аварыі на атамнай станцыі. Яны пабывалі ў мазырскім шпіталі, дзе лекуюць анкалягічна хворых, і перадалі туды адзеньне й кнігі, а таксама аргтэхніку, якую купілі на ахвяраваньні, сабраныя ў Менску.
Як паведаміў «Радыё Свабода» лідэр Партыі БНФ Вінцук Вячорка, шпіталям у рэгіёнах важная любая падтрымка:
“Пераканаліся ў тым, што чым далей ад Менску, тым бяднейшыя нашыя мэдычныя ўстановы, у тым ліку зьвязаныя з анкалёгіяй. Хаця здавалася б, што якраз анкалёгія ў нашай пасьлячарнобыльскай краіне павінна была б быць прыярытэтам”.
Гэта другі візыт пасьля абвешчанай акцыі збору цацак, кніжак, рэчаў і грошай для пацярпелых ад аварыі на Чарнобыльскай атамнай станцыі.
Акцыю ладзяць сябры Партыі БНФ і прадстаўнікі аргкамітэту “Чарнобыльскага шляху”.
Як паведаміў “Свабодзе” Вінцук Вячорка, палітыкі будуць ладзіць дабрачынныя акцыі і ў іншых гарадах, што пацярпелі ад наступстваў трагедыі.
