Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь вельмі хутка пачне здабычу нафты ў Венесуэле, не выключана, што ўжо сёлета. Пра гэта заявіў у інтэрв`ю карэспандэнту БелТА намеснік міністра замежных спраў Венесуэлы Радрыга Чавес, які знаходзіцца з візітам у Менску. "Але нават калі зыходзіць з песімістычнага пункту гледжання, то можна казаць пра тое, што Беларусь у будучым годзе будзе здабываць нафту на венесуэльскай тэрыторыі", – дадаў ён.
Намеснік кіраўніка знешнепалітычнага ведамства Венесуэлы падкрэсліў, што аснова для развіцця супрацоўніцтва дзвюх краін па ўсіх кірунках, у тым ліку ў нафтахімічнай галіне, была закладзеная падчас сустрэч на вышэйшым узроўні ўлетку мінулага года ў Менску. Тады кіраўнікі Беларусі і Венесуэлы падрабязна абмяркоўвалі пытанні двухбаковага ўзаемадзеяння. Падмацаваннем гэтым дамоўленасцям сталі візіты ў Каракас Дзяржаўнага сакратара Савета Бяспекі Віктара Шэймана і яго сустрэчы з венесуэльскім лідэрам, а таксама перамовы на ўзроўні міністэрстваў і ведамстваў.
