«Палатка» прыняла законапраект аб узбраенні і абаронным заказе :: Хартыя'97 :: Навiны

“Палата прадстаўнікоў” прыняла сёння ў другім чытанні законапраект "Аб дзяржаўнай праграме ўзбраення і дзяржаўным абаронным заказе". Дакумент накіраваны на ўсталяванне прававых і эканамічных асноў парадку фармавання, фінансавання, рэалізацыі дзяржпраграмы ўзбраення і дзяржабаронзаказу.

Нормы законапраекта будуць спрыяць падтрыманню неабходнага ўзроўню абароназдольнасці і нацыянальнай бяспекі Рэспублікі Беларусь, адзначыў намеснік старшыні Пастаяннай камісіі Палаты прадстаўнікоў па нацыянальнай бяспецы Анатоль Ваньковіч.

Законапраект прадугледжвае, што дзяржаўная абаронная замова будзе фармавацца ў Беларусі з удзелам Мінабароны, МУС, МНС, Дзяржкамітэта памежных войск КДБ штогод на наступны фінансавы год. Дзяржабаронзаказ накіраваны на забеспячэнне Узброеных сілаў ваеннай спецыяльнай тэхнікай.

Дзяржаўны абаронны заказ будзе здзяйсняцца на конкурснай аснове, за выключэннем выпадкаў, абумоўленых у заканадаўстве. Савет міністраў па ўзгадненні з прэзідэнтам будзе сцвярджаць дзяржабаронзаказ у тэрмін, які не перавышае два месяцы пасля ўступлення ў сілу закона аб бюджэце на чарговы фінансавы год.

Дзяржаўная праграма ўзбраення ўключаецца ў пералік рэспубліканскіх мэтавых праграм, фінансаванне якіх прадугледжанае за кошт дзяржбюджэту. Вызначаюцца правы і абавязкі дзяржзаказчыка і пастаўшчыка дзяржаўнага абароннага заказу, а таксама іх адказнасць за невыкананне ўмоў дзяржаўнага кантракту.