Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Акцыі «За незалежную Беларусь!» будуць праходзіць па ўсёй краіне ў траўні 12:38, 02/05/2007
У планах Міністэрства культуры Беларусі на травень 2007 года – працягнуць акцыю "За незалежную Беларусь!" у рэгіёнах. 19–20 траўня акцыя пройдзе ў Гарадзенскай вобласці, 25–26 траўня – у Віцебскай, 27 траўня – у Менскай. Пра гэта паведаміў на прэс-канферэнцыі 27 красавіка ў Менску намеснік міністра культуры Валеры Гедройц.
Акцыя "За незалежную Беларусь!" стартавала ў Менску 25 сакавіка, у Дзень Волі, на дзвюх канцэртных пляцоўках – каля Нацыянальнай бібліятэкі і ў аэрапорце "Менск-1". Падчас акцый выступілі Дзмітрый Калдун, Ірына Дарафеева і іншыя айчынныя выканаўцы. Пачатак акцый супаў з акцыяй апазіцыі ў сталіцы, прысвечанай 89-ай гадавіне абвяшчэння Беларускай Народнай Рэспублікі.
Як паведаміў В.Гедройц, фінансаванне акцыі здзяйсняецца Міністэрствам культуры і мясцовымі органамі ўлады. Да ўдзелу ў канцэртах будуць прыцягвацца як сталічныя, так і мясцовыя калектывы і выканаўцы.
