Беларускія дэмакраты на Брусэльскім форуме :: Хартыя'97 :: Навiны

У сталіцы Еўразвяза 27–29 красавіка адбыўся другі Брусэльскі форум. У анатацыі Форума гаворыцца, што ён з`яўляецца штогадовай сустрэчай высокага ўзроўню найбольш уплывовых амерыканскіх і еўрапейскіх палітыкаў, інтэлектуалаў, журналістаў, бізнэсмэнаў для абмеркавання надзённых праблем сусветнай палітыкі і акрэслення парадку дня трансатлантычнай супольнасці.

Сёлета на Форум з`ехаліся кіраўнікі дзяржаў і ўрадаў, міністры замежных спраў, парламентары, аналітыкі і грамадскія дзеячы. Абмяркоўваўся шырокі спектр пытанняў: сітуацыя на Блізкім Усходзе, праблемы глабалізацыі, грамадзянскія свабоды, глабальныя памкненні Расеі, праблемы постсавецкіх дзяржаў, Іран, Аўганістан, Ірак, Турэччына і г.д.

Галоўным арганізатарам Форума выступае Нямецкі Фонд Маршала. Удзельнікі Форума ў нефармальным становішчы маюць магчымасць абмеркаваць з сусветнымі лідэрамі самыя вострыя пытанні сучаснага свету.

У Форуме ўзялі ўдзел і прадстаўнікі Беларусі – лідэр ініцыятывы «Мы памятаем» Ірына Красоўская і каардынатар Хартыі’97 Андрэй Саннікаў.

Гутарка з Хаўерам Саланам на вячэрнім паседжанні Брусэльскага форума

Прэзідэнт GMF Крэг Кенэдзі і вядучы спецыяліст па замежных справах Дэмакратычнай партыі ЗША Рычард Холбрук

Прэзідэнт Нацыянальнага дэмакратычнага інстытута ЗША Кенэт Волак, І.Красоўская, Прэзідэнт нямецкага Фонду Генрыха Бёйля Ральф Фукс

Памочнік Дзяржсакратара ЗША Дэн Фрыд і А.Саннікаў