Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мілінкевіч выступіць на сумесным урачыстым паседжанні парламентаў Літвы і Польшчы 10:33, 02/05/2007
Сёння старшыня Палітрады дэмакратычных сіл Беларусі Аляксандр Мілінкевіч прыме ўдзел ва ўрачыстасцях, прысвечаных гадавіне прыняцця Канстытуцыі 3 мая 1791 года. Мерапрыемствы пройдуць адначасова ў Варшаве і Вільні.
Аляксандр Мілінкевіч выступіць на сумесным урачыстым паседжанні парламентаў Польшчы і Літвы з удзелам прадстаўнікоў Еўрапейскага парламента, Бундэстага, Чэшскага сената, Латвійскага сейма, парламентаў Венгрыі і Эстоніі.
Падчас візіту запланаваныя таксама сустрэчы лідэра дэмакратычных сіл Беларусі са старшынёй Еўрапарламента Гансам Гертам Пётэрынгам, з прэзідэнтам Польшчы Лехам Качыньскім, з кіраўнікамі Сойму і Сенату РП, з міністрамі замежных спраў і культуры.
Запрашэнне Александра Мілінкевіча на святкаванне гадавіны прыняцця Канстытуцыі 3 мая 1791 года, па меркаванні літоўскіх і польскіх палітыкаў, сведчыць аб нашым сумесным гістарычным мінулым і жаданні пабудовы з Беларуссю сяброўскіх добрасуседскіх адносінаў.
