Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Віцебску ўшанавалі памяць ахвяраў сталінскіх рэпрэсіяў 11:57, 02/05/2007
Сябры Партыі БНФ, «Маладога Фронта» і ініцыятывы па стварэньні Беларускай хрысьціянска-дэмакратычнай партыі наведалі 30 красавіка мясьціны пад Віцебскам, дзе паводле сведчаньняў мясцовых жыхароў, расстрэльвалі грамадзянаў у час сталінскіх рэпрэсіяў 1937-41 гг.
Удзельнікі акцыі ўшанавалі памяць расстраляных хвілінаю маўчаньня каля ўсталяванага ў лясным масіве крыжа й запалілі зьнічкі. Гэтым было засьведчана, што злачынствы камуністычнай дыктатуры не забытыя да гэтага часу.
Арганізатары акцыі дамовіліся зладзіць талаку па прыборцы месца вакол крыжа й звярнуцца да раённых органаў улады з прапановаю ўсталяваць указальнік каля дарогі, а таксама абвесьціць месца вакол крыжа мэмарыялам.
