Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пад Мазыром на запраўцы знайшлі «ўзрыўную прыладу» 13:25, 02/05/2007
У Мазырскім раёне на газавай запраўцы быў знойдзены прадмет, падобны на ўзрыўную прыладу.
Як паведамляе БелаПАН са спасылкай на прэс-службу УУС Гомельскага аблвыканкама, 1 траўня а 19.00 ад аператара газавай запраўкі, размешчанай каля ААТ "Мазырсоль", паступіла паведамленне, што пасля абслугоўвання аўтамабіля была знойдзеная чорная скрыначка з правадамі, табло, якое свяцілася, і лямпачкам, якія мігалі. У раёне быў уведзены спецыяльны план "Перахоп". Да месца здарэння выехала група размініравання.
"Узрыўной прыладай" апынуўся прыбор для вымярэння радыяцыі – індыкатар гама-выпраменьвання "Бела", выпадкова пакінуты на запраўцы жыхаром Менска 1955 года нараджэння.
Паводле інфармацыі прэс-службы, індыкатар гама-выпраменьвання знішчаны, па дадзеным факце праваахоўнымі органамі праводзіцца праверка.
