Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Венесуэльская нафта перайшла пад кантроль Уга Чавеса 11:03, 03/05/2007
Улады Венесуэлы атрымалі кантроль над усімі праектамі нафтаздабычы ў краіне. 1 траўня ўступіў у дзеянне ўказ прэзідэнта Уга Чавеса аб нацыяналізацыі нафтавых кампаній. Нацыяналізацыя праходзіць пад лозунгам "Радзіма, сацыялізм або смерць". Лідэр Венесуэлы ўжо паабяцаў нафтавікам, што адкрытыя інвестыцыі ў галіну ніколі не вернуцца.
Указу Чавеса падпарадкаваліся амерыканскія кампаніі ConocoPhillips, Chevron, Exxon Mobil, брытанская BP, нарвежская Statoil і французская Total. Памер кампенсавання за нацыяналізацыю і ўмовы яе выплаты пакуль невядомыя. Кіраваць новаздабытымі прадпрыемствамі будзе дзяржкампанія PDVSA.
Сярод іншых актываў Венесуэла атрымала кантроль над поясам Арынока, якія змяшчаюць найбуйнейшыя ў свеце запасы звышцяжкай нафты. На поясе ўжо запушчаныя чатыры праекты здабычы коштам у 30 мільярдаў даляраў, якія дазволяць штодня перапрацоўваць 600 тысяч барэляў звышцяжкай нафты ў сінтэтычнае паліва.
Нацыяналізацыю нафтавых актываў ужо правёў у траўні 2006 года прэзідэнт суседняй Балівіі Эва Маралес. Ён прапанаваў замежным прадпрымальнікам умовы, паводле якіх дзяржкампанія YPFB аплаціць іх кампаніям толькі палову кошту здабытай сыравіны, паведамляе Лента.ру.
