Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ААН: Ніколі раней журналісты не знаходзіліся пад «такой вялікай пагрозай» 10:43, 03/05/2007
Вярхоўная камісарка ААН па правах чалавека Луіз Арбур у Міжнародны дзень свабоды прэсы, які адзначаецца 3 траўня, адзначыла: "Ніколі раней так многа краін не заяўлялі пра тое, што паважаюць і абараняюць права прэсы працаваць свабодна, без перашкод або ціску". Пры гэтым Л.Арбур падкрэсліла, што ніколі раней журналісты не знаходзіліся пад "такой вялікай пагрозай". Заява размешчаная на афіцыйным сайце арганізацыі.
Вярхоўная камісарка таксама адзначыла, што журналісты гінулі не толькі ў гарачых кропках, але і ў тых краінах, якія лічацца мірнымі. "Самыя небяспечныя для працы СМІ краіны маюць агульную рысу: яны амаль заўсёды не ў стане здзейсніць правасуддзе над тымі, хто забівае журналістаў, – адзначыла Л.Арбур. – Беспакаранасць, безумоўна, іграе галоўную ролю ў росце колькасці нападаў на прадстаўнікоў прэсы і парушэння права на свабоду меркаванняў".
Вярхоўная камісарка заклікала ўрады ўсіх краін паважаць права на свабоду меркаванняў, а таксама "гарантаваць бяспеку журналістаў і пакласці канец беспакаранасці вінаватых у злачынствах супраць іх".
