Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Запазычанасць беларускага ААТ «Белтрансгаз» перад ААТ «Газпром» за імпартаваны прыродны газ на 1 красавіка складала 365 мільёнаў даляраў, паведаміла ПРАЙМ-ТАСС крыніца ў Міністэрстве энергетыкі.
Яна адзначыла, што з гэтай сумы запазычанасць за газ, пастаўлены расейскім канцэрнам у студзені–сакавіку, складала 337 мільёнаў даляраў, 28 мільёнаў – пеня па даўгах за газ, пастаўлены да 1 студзеня 2003 года.
Як раней паведамлялася, па ўзгадненні з «Газпромам» Беларусь у першым паўгоддзі аплачвае 55% расейскага газу. Пры гэтым Беларусь цяпер вядзе перамовы з Расеяй для таго, каб атрымаць стабілізацыйны тэхнічны крэдыт у памеры 1,5 мільярда даляраў, які можа быць накіраваны, у тым ліку і на разлікі па даўгах за газ.
Па аператыўнай інфармацыі Міністэрства энергетыкі, у студзені–сакавіку ўзровень аплаты спажыўцамі краіны пастаўленага прыроднага газу склаў 100,7%, электрычнай і цеплавой энергіі, якая адпускаецца ад крыніц канцэрна «Белэнерга» – 100,3%.
