Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Нясьвіжы разгараецца канфлікт паміж райвыканкамам і каталіцкай парафіяй 10:35, 04/05/2007
Як паведамілі “Радыё Свабода” мясцовыя парафіяне, спрэчка ўзьнікла з-за будынку XVIII стагодзьдзя, які да 1939 году належаў каталіцкай царкве, — там жылі ксяндзы.
Пасьля таго, як савецкая ўлада канфіскавала будынак, былой плябаніяй распараджаўся райвыканкам. Да 2004 году там мясьцілася раённая друкарня.
Спусьцелы будынак улады паабяцалі вярнуць парафіі. Аднак сёлета новае кіраўніцтва райвыканкаму адмовілася ад абяцаньняў і вырашыла выставіць дом ксяндза на продаж.
Абураныя такой ініцыятывай, нясьвіскія вернікі пагражаюць перашкаджаць наведваньню афіцыйнымі дэлегацыямі мясцовага касьцёлу — помніка архітэктуры XVI стагодзьдзя.
У траўні павінны прайсьці перамовы сяброў касьцельнага камітэту й прадстаўнікоў райвыканкаму — будзе зробленая спроба залагодзіць канфлікт.
